:: شبكة ومنتديات تمنيتك .. وردة العشاق/وإمراطورة العشاق ::

اقلآم تنزف الأبداع.. وتسطره الأوراق

وردة العشاق/ وإمبراطورة العشاق

ودي ألقاك وما لقيت فرصة للتلاقي

وارتمي بحضنك وأضيع مع أجمل إحساسك

ودي اجيك بس خفت من لهفتي أنسى أشواقي

وتجلس جنبي وأنا جنبك وأبوس كفك وراسك

وأتمنى اسهر ليلي قبالك وأعيش معاك عمري الباقي

وأكون اقربلك من هواء أنفاسك

بعد مادخلتك قلبي دقيت جرس إغلاقي

وشربت العسل صافي من هوى كأسك

من أول يوم شفتك بانت بعيني شمس إشراقي

كل شيء فيك جذبني وخصوصاً شدتك وباسك

يمكن حلاك في أسلوبك ورقتك وكلك على بعضك راقي

فديتك لاتامن على حالك وتمشي بدون حراسك

وإذا لساتك ماعرفت قدرك أقرئ دواويني وافهم محتوى أوراقي

وإذا احترت كيف حبيتك اسأل سهامك اللي صابت وأقواسك

واتركني أتخيل قلبي الوردة وانت حلمه الساقي

اسكن فيه واعتبر حالك بين اهلك ونا

إمبراطورة العشاقــــ

انا واقف على بابك انتظر وصالك

وأنا ادري به الزمن صعبه تفهم أحبابك

بس أنا احبك وباظل اسأل عن أحوالك

وإذا ماشفتك بتكفيني شوفة طيفك وسرابك

وياليت وأتمنى مثل ما أنت على بالي أكون على بالك

وتجي يمي وأضمك لصدري واتهنى بك

أرجوك يافارسي دير بالك على حالك

وحس في اللي يحبك ولا تطول غيابك

وتأكد مهما طالت الغيبة مستحيل يرضى القلب بدالك

بيكون لك وحدك إذا صار والوله جابك

أساساً صعب أنساك وأبدلك وانت آسرني بغلالك

تعال وشوف قلبي وش جاه من أسبابك

وإذا حكمت عليه فراق مدى الحياه حلالك

بس أرجوك خلَ الحكم إعدام تكفى غير حسابك

وش فايدة العيشة إذا ماكنت بحبالك

الموت ارحم ولا تقفل عليَ بابك

إمبراطورة العشاقــــ

كنت عايشه قبلك بحيره في بحر همي

غريقه انتشلني الحب وقال لاتموتي عنيده فكرت

فيها مره واثنين لقيت نفسي بين أمرين اطرد طيف حبك

وإلا بيديني أجيبه احتلت على قلبي وسألته

من يكون هذا إللي يمر كل يوم رد بصوت جهور هذا لقلبك سيد سيده

ضحكت بشويش وكتمت الشعور خفت الناس تسمع المستور وأعيش بدونه كئيبه

ذاك اليوم جاني الخبال مسوي فيها...عرض علي صفقه عجيبه

وأنا قبلت ألصفقه اللي محتواها تخيلي تحطين أيدك في أيده

مرت سنه بعد سنه مليت من الخيال وخرابيطه رحت

أفكر وأشوف وشهي اقرب وسيله تخليني منه قريبهجتني

فكره خطيره خفت أنفذها وضليت في حيره بس أنها

الوحيده ليش مااسمع صوته واعرف آخر علومه

واترك الدنيا الغريبه..أوه..أوه..ياناس من صوته

ذوب القطبين صوته لاتظلمون الأوزون والانحباس

ماهو بإيده هذا فعل محبوبي اللي أوصافه فريده

علقني فيه كفايه خلاني أتولع من البدايه ماعاد فيني

أعيش دونه ولا عاد فيني اسيبه الدلع محليه والنعومة

تليق فيه والزعل ياويلي منه ويقول أنا ولد مؤدب طول

عمري ماشي سيده دلوع هله من يلومه عسى ربي يحفظه

ويصونه تكفون لاتزعلونه ترى بسمته عندي تسوى بسمة

نونو بيوم عيده اللي يغلط عليه ياويله واللي يزعله ياسواد

ليله واللي ينوي له الشر مستعد أبيده وهذي كلمه أخيره إللي

في الزمن مابقلبه خير ولا يفهم بالأصول اللي يهون عليه زعل حبيبه ....

إمبراطورة العشاقــــ

أنا اللي عطيتك وانت عمرك ما عطيت

أنا اللي لجلك ضحيت وانت عمرك ما ضحيت

أنا اللي عمري هدرته لجلك وانت للأسف ما وفيت

كل ما قلت بترجع لي تروح

كل ما كسرت الحواجز بيننا تبني صروح

وكل ماضمدت جراحي ترد الجروح

أجرب احبس صرختي وتسبقني دموعي تبوح

وأحاول اخفي دموعي تفضحني الجروح وتنوح

رجاي ابعد وروح وإنسى انه بيجي مني في يوم سموح

لان اللي وسط ضلوعي قلب صادق ومجروح

ماهو مثل قلبك حجر ماله أساس يبني الحب ويروح

خلااااااااااااص ....روح.

وبودعك بقلب من القهر مذبوح

وبصوت من كثر البكاء مبحوح

وهمسات كلها جروح

إمبراطورة العشاقــــ

اللي كان بيننا كبير ماهو بس حب وميانه

بس بصراحه أنت إنسان للأسف مالك أمانه

تنساني وتنسى أحلامي وتجرحني ولا كأني إنسانه

وأنا اللي ضنيتك حبيب بيبسط لي حبه وحنانه

ويكتب لي قلبه بإسمي ويعيشني وسط جنانه

لكن للأسف هذي بعيده عنك والقريب هي الخيانه

وأنا اللي سايرت حبك وطول ليلي لأجلك سهرانه

حرام تقهر من يحبك ويخلص لك حبه وامتنانه

وتجرحه وتهجره وتقول ليش زعلانه

اسأل حالك يمكن تلقى لفضولك اجابه..

إمبراطورة العشاقــــ

أحسن صديق هو اللي بيوم الثرثرة بسكوته يكرمك

واللي لا ماشافك ماينكرك

وفي حبه يجبرك

هو اللي بأفراحك وأحزانك يشاركك

بغير الخير مايذكرك

هو اللي لا صفعك كف قال آسف واعتذر

وإذا أحسنت من كل قلبه شكر

وإذا صار واخطيت بحقه غفر

هذا اعرف إذا عاتبك معناته يعشقك

وهذا اللي يداري خطاك وينصحك

وهذا اللي إذا شكيت يسمعك

وهذا اللي لازليت مايفضحك

وهذا اللي إذا ما داواك مايجرحك

هذا اللي إذا غبت تظل في باله ويذكرك...

إمبراطورة العشاقــــ

جيش شوقي سبقني لك وقال احبك

ومدافع الحب أطلقت خالص وفاها

يوم جيت أبقصف إحداثيات قلبك

ذابت كلمات الغزل مع نسمة هواها

وانت يالغلا كل شيء تخفيه بقلبك

مصيره يظهر مثل الاباتشي بسماها

وخطط حربي تاهت في تفصيل حبك

عجزت ألقى خطه تبين مداها

كل ما عندي من خرايط توصل لدربك

أخفاها الحسد عشان أتيه في لقاها

سلمتك الجيش والعدو والعتاد والعده كلها ملكك

وخفوق قلبي لا مريت كأنها صواريخ اعتلى صوت صداها

والكتايب والسرايا كلها طوع أمرك

مستعده تكسر شوكة من بلاك وبلاها

والدبابه تخاف يوم تشوف بطشك

تصير نيرانها صديقه تنسى من عداها

ما ألومها تتخبط يوم تشوف رزتك

وتعينك القايد والعساكر وراها

والعدو بعتاده يوم جاء صوبك

من باسك يرتعش ويريوس ويقول بلاها هالحرب بلاها

خذها مني لو تمسك المايك وتقول كلمتك

بتحسب إسرائيل على الأصابع أيام منفاها

وأمريكا بتعلق على شموخ وقفتك

والعالم يصرخ بذهول جاء لأمريكا من ينهاها

فديتك هذا انت وهذي قوتك

تعدت الدمار الشامل في قواها

سبحان من وهبك جمالك وحسنك

وبالعناد ميزك وزرع فيك الكبرياء وبناها

ما لومك إذا تكبرت وشفت حالك

انت معذور يا منى العين وهناها

أنا خلاص راضيه بحربك وسلمك

إذا بتاخذ مني روحي فدوتك روحي ياغلاها

أنا رفعت العلم الأبيض واستسلمت لك

حياتي وأنا في يدك أسيره يا محلاها....

وردة العشاقــ /إمبراطورة العشاقـــ

لقاله ثاني ونساني راح للأبد وخلاني

يحسبني ميته عليه هذا ولا حتى بمنامه

مسكين يحسب له وحشه وبفرقاه بلاني

لو يروح للموت أبضحك وأنسى غرامه

دامني خلاص ماعجبته ذاك الغدار الأناني

ابد له طريقه وأقول تفضل مع السلامه

وش يضنني عنده يلعب بقلبي وحناني

ياليته على الأقل كان يوزن كلامه

بعد ما كنت أشوفه الجنة للأسف نساني

لا شافني قال الطيب وش علامه

مسوي روحه مو داري انه بالمآسي جاني

ولا على باله عايش بدنيا هيامه

روحه بلا رده عساني ما أشوفه ثاني

ما جبت لي غير الأسى والملامه

وردة العشاقـ /إمبراطورة العشاقــ

إذا بتنتظر الزله لجل تهجرني

فيا كثر الزلات اللي بحياتي بتلقاها

وإذا تحسب خلاص انت ساحرني

فراقك بسيطه مع الأيام بألقى لعيني من يملاها

هذا لو الخيانه طبعي ياللي قهرني

ممكن أبدلك وأعيش حياتي وهناها

ياللي تظن إن حبك أسرني

عيش حياتك وتهنى بشقاها

مسكين يحسب انه في حياتي كل الأماني

مادرى بحلاة فرقاه وشذاها

يحسب انه أنجز يوم قال نساني

مادرى إني ضحكت من قلبي وروحي نست عناها

للأسف سلمت قلبي لواحد أناني

ويوم تعلقت روحي فيه راح و نساها

خلاص طلع من حياتي وهو الجاني

جنى على نفسه وحياته بالدمار بلاها

اصلاً ما صدقت كلامه يوم قال انه هواني

لأنها ما تنعرف نوايا الرجال وش وراها

بس ماراح أروح إلا بعد ما أغيظ اللي المر سقاني

وضيعت معاه ماضي سنيني وهواها

هذي حالة أولاد آدم كل على عشقه يغني

وبالآخر يجرح بنت حواء بأول صباها

بعد كل كلمه يقولها يسال تحبيني

و بالآخر يهدم المحبه اللي بناها

يكذب إنتِ كل دنيتي ياحنيني

وإنتِ الوحيده بحياتي ياحلاها

لو قرئ الحب من نظرة عيوني

ما كان نوى الفرقه ولا قلبه قواها

وردة العشاقــ /إمبراطورة العشاقـــ

كدش كدش يابو الشباب ارحم قلوب أغبى البنات

كش كش ياوجه صطمبه وتراك ياواد تذكرني بومبا

روح تعال غير سيارتك تعال روح ارفع نظارتك

حركاتك هذي مره قديمه مكشوف حتى لو اكب سفينة

ياهو ياركب الكر سيدة انقلع روح وامسك الطريق سيده

ابعد وروح وأنسى الحبايب ترى هالبنات يجيبوا المصايب

((أمثالك انت يستهلو المتاعب))

وقفه و سواليف وسط الشارع عمايلكم هذي يبغالها رادع

شايفين حالكم مهند ونور عقبال ما أشوفكم جوات تنور

هذا اللي تسويه مره حرام قالب الشارع مسرح غرام

ترى الرادارات سرده مرده أخاف يمسكوك وتروح في ورطه

((وصيه لا ماتخليها))

صحبيتك هذي سلملي عليها وقلها أنا مره ميت فيها

وإلا أقول ياواد استح وألحق بنطلونك قبل ما يفلح

احترت في جنسك يا مغفل مره صبيه ومره أهبل

جرب تغلط علي وشوف الطش وجهك أحلى كفوف

ولا خويك ستة أربعه أربعه راكب شفر وليه مقربعه

غيرها وصارت 8113 وصار أغبى واحد من بين الثلاثة

ركب بنات الناس ودوس دوده شريطيه في بطنك تحوس

أطول طويل ماله مثيل شايف حاله مره جميل

لا يغرك جمالك كثير عمر الجمال ما يفيد الحقير

لا تحسب نفسك شبه المون خذاها مني انت أبشع من تيمون

عيب تلبس بلوزه موفيه أول ما شفتك عبالي فوزيه

عقبال ماتصيبك الحساسية وتعبي جسمك ميه لميه

حتى تصير ثيابك رجالية وتترك ألوان الصبايا يافوزيه

وعيونك هذي وش فيها متورمة وإلا ايش صاير فيها

طول الوقت وانت مغطيها والنظارة ابد ماترميها

وقبل لا أنسى أقول سلملي على حبيبتك بنت الكول

((ياهو ياناس ياحلوين))

مسوين فيها يحيى ولميس أعرفكم أنا تيم أحلى أنيس

((وإلا الصبية الهبله الغبية))

بسال سؤال بس إني محتارة تشفط شيشة ولا دخن سيجارة

يقول احبك ويحلف ميه صدقيني يكذب مليون بالميه

هذولا ناس شويت أنجاس الواحد منهم مسوي فيها حساس

والسكة صارت مسلك هبلان والحارة صارت زريبت خرفان

هذي حركات مرة سخيفة تناسب عيال جدة الرخيصة

على فكرة انتو أغبى ورعان مرو بحياتي من زمان

جنان جنان هذا جنان غباء شبان هذا الزمان

أركد ياواد وارفع رأس أبوك لا تصير اكبر مسخرة في تبوك

هذي ماهي حركات شبان الورود هذي حركات ناس أشباه القرود

((وآخر كلامي))

نصيحه ذكيه لأحلى بنات ثانوية هذولا شبان فاسدين النيه

حذاري حذاري من هالدواهي خذوها نصيحه من ولد حواري

وردة العشاقــ /إمبراطورة العشاقــ

((السعودية برجالها))

يا عدوا الله ترى السعودية برجالها إذا انك ما دريت

ودي تدري قبل ما تخطي وأضنك للخطى نويت

انسحب من أرضنا تراك فينا يمين الله انبليت

وإذا انك ماخذ السالفه عناد انت لجهنم بهواك طبيت

اللي يلعب مع السعودي كنه يلعب بالنار وهذا انت دريت

أرضى بنتائج خطاك ولا تقول ما قلنا لك وما دريت

لا يجي يوم وتندم على ما فات وتقول ياليت للهلاك ما مشيت

ياليت دامك تحديت السعودي عمرها ماتبني بيت

أنا السعودي على حق غير يدي ماعمري مديت

جيت انت يالخايس على ارضي تعديت

لا والله ما يهنا لي بال ولا حتى بلقمتي تهنيت

إلا إذا طلعت من ارضي والأدبار وليت

ابد لا تعاندني ترى ما أرحمك دام علي اعتديت

بأقلب نهارك ليل وأربيك إذا ما تربيت

صدقني لو تعيش كل عمرك تدريب على جيشنا ما قويت

حسبت رجال والنصيحة امسك الطريق اللي منه جيت

حشا ما ذرفت الدمع ولا بليلي ونيت

إلا شلت سلاحي وللحرب نويت

هذي كلمة الرجال النشامه سمعتها يوم بديارهم مريت

بمجلس فاح بنه مع هيله يوم إني لمجلس الرجاجيل حنيت

ياترى ومين مرسلك يالعدو علينا وعلاك وانت مسكين صدقت حالك واعتليت

العن الشيطان يلعن بودارك وخاف ربك وتهنى بالمبيت

ست سنين وانت من حرب لحرب ماتعبت ولا مليت

بس ماعليه ادري بشويت صواريخ ومدافع شفت حالك وانغريت

محنى برجال إذا مارديناكم كل أبوكم لليمن بتوابيت

والحق يرجع لأصحابه مهما بتسوي وسويت

وحقنا ماراح يضيع بناخذه رضيت وإلا عساك مارضيت

الذنب ماهو ذنبي لأني على ارضي دافعت وحميت

لوم نفسك يوم للموت بحوافرك يالحمار سريت

ماراح نرحمك لو الدم من عيونك ذرفت وبكيت

ابشر بتشرب من عندنا الحميم دامك لأرضنا ضميت

تدري ليش؟...

هذي حسبت رجال من صلب رجال والنصيحة امسك الطريق اللي منه جيت....

وردة العشاقــ

هذي ظروفي يا غلاتي و للفرقى ما نويت

وتراني يا ملاكي بسم المحبه هويت

ولغير حبي والله ما هديت

انت ممتلك فؤادي أبشرك إذا انك مادريت

بدلالك أغريتني وبنار حبك انكويت

لو أشوفك في طريقي عز الله بحضنك ارتميت

والهيئة لو تمر ما همتني لو دريت

خلها تلف وتلف بقولها الأخ كاشخ وأنا للأسف بحلاته خقيت

رحت له بلهفه ولأحضانه حنيت

وبكل بساطه بقولهم طب أنا وش سويت

دلني عليه قلبي ولنا لقلبي حشا ما عصيت

هذي رجولي ودتني له وأنا يمه مشيت

لا تقولوا صايعه وعن دنيتي مادريت

هو دنيتي وأنا هذا الإنسان يا عالم حبيت ....

وردة العشاقــ

(من أول يوم شفتك )

من أول يوم شفتك فيه أعجبتني

حبيتك وصرت منيتي

عشت معك أحلى أيام طفولتي

والسنين اللي معك عدت في ثواني

ماحسيت باللي جرالي

وما دريت إن قلبي في حبك أصبح غريقي

الدنيا دون شوفة عيونك عذابي

ويومٍ بلا أنفاسك مقطوعه أنفاسي

أنت عالمي وأنا في عالمك أسيري

وفي عالمك أحس بطعم للحياة ثاني

أنا صدق العناد معبي راسي

بس أنت الوحيد اللي وصلت لقليبي

أنا احبك ومستعدة أقولها وبصوت عالي

واخلي كل من حولي يدري بأنك سكنت بذاتي

ماكنت بمشاعرك العب ولا طرالي

بس انك استعجلت وفكرت بتركي وهجراني

حاجه تعاتبني على حركاتي

هذي هي عادتي وتصرفاتي

وإذا كنت تظن إني أسويها للفت الانظاري

والله ماحزرت بس أنا على نياتي

كيف تبغى بعد ما لقيت سيد الرجالي

أروح بكل غباء أدور على ثاني

بس هي الطفوله لاعبه دور كبير في حياتي

وعيشتي بين عيال خلتني ما أنتبه على أفعالي

أنا ماكنت ادري إن كل هذا يجذب كل من جاني

بس منك تعلمت وراح تظل كلماتك دايم على بالي

لكن للأسف بآخر كلامك جرحت قلبي وخليتني غريقه وسط جراحي

ومن كثر البكاء صارت دموعي على خدي كأنها وادي

بعد ما فارقتني مابقى معي غير همي وآهاتي

هي الوحيده اللي ترفض تجفاني

وبآخر الليل ماغير أنا ودفتر أشعاري

تحت السماء الصافيه والنجوم والبدر العالي

ارثي حبيبٍ رحل وخلاني

قبل ما يسمع مني كلامي

أحبه وحبي له للجنون وداني

أبي ادري أنت ما تفهم يا أروع خلاني

بأنه ما غيرك سكن وجداني

وأنا بالحب افهم ومنه بسبتك صرت أعاني

شافوني هلي معاد أنام الليالي

وصارت كثيرة سهراتي

سألوني وش علامي

مارديت ولزموا إلا ياخذوني لطبيب نفساني

مادرو إن الحب أعماني

ولطريق مغلق وداني

وإن الحبيب شاغلن كل أفكاري

وهو عني ما يبالي

وهذي من بعده جزء من آلامي

اللي تركها حمل على أكتافي

وهو رحل وعنده شيء عادي

وما فكر كيف صارت حياتي

وردة العشاقــ

قلت أبصبر وانتظر الوقت بيحلها لي

تفاجئت إن الصبر نفسه عافني

وكل من حولي تركني أعاني

محدن سألني وش علامي

ولاحدن استغرب ليش كل وقتي شاردة بأفكاري

عرفت إن البشر ماهمها احد ثاني

كلاً نفسه أهم وبعدها إن فكر يفكر بالباقي

معاد بقى للإخوة في قلوب البشر مكاني

حتى الحبيب في هالزمن ماهو بوافي

يحب ذيك ويلعب على هذي

أنا اكتشفت إن الحب ماعاد مثل أول زماني

كل شيء تغير تغيير نهائي

القلوب قاسيه وفي الجرح ماتبالي

والحب بالنسبه لها شيء عادي

هذا الواقع ماهو من خيالي

وهذا اللي شفته بعيني ولقيته في حياتي

الناس قست وأنكرت حتى عشرة الأهالي...

وردة العشاقــ

اشهد إن الدنيا في غيابك كلها ظلام

وروحي محتاجة لضمة حنان

ارجع لي ياحياتي وماهمني بقول على الدنيا السلام

دامني معك وبأحضانك بنسى العالم وبعيش في جنان

أنا مليت من الدنيا وأهلها تعال خذني لعالم الأحلام

خلنا نعيش ونتخيل وننسى الزمان

ونسكت وتاخذ من عيوني مراسيل الغرام

وبعدها تضمني بشوق ولهفة العاشق الولهان

ونطلب من الزمن يوقف لجل نعيش هالحظه بإتمام

وتهمس في إذني احبك حب جنان

وأقولك انك كنت لي أحلى غرام

وردة العشاقــ

خطواتي تعاف مشيتي إذا كان الدرب ماهو دربك

ونظرتي تهجرني إذا ناظرت في غيرك

ضحكتي ماتحلى إلا بوجودك

دمعتي ماتمسحها إلا كفوفك

ايدي ماترضى تمسك إلا بإيدك

إذني مايسعدها إلا سماع صوتك

خل التغلي ترى دنيتي ماتسوى بدونك

أنت كلي وأنا كلي اعشق أوصافك

أنا كرهت الناس من بعدك

ولا بيسعدني احد قدك

وردة العشاقــ

دير بالك على حالك

إذا منت ناوي ترجع لأحبابك

أنا أنساك شيلها من بالك

كرهت الدنيا في غيابك

ليش تنسى أيامي وأيامك

وتهجر قلبي اللي مات في حبك

عمري ماهويت غيرك

وما فكرت قبل لا احبك بهجرانك

وردة العشاقــ

قصتي معه قصه وانتهت

على ذاك الرصيف ابتدت

أمام الناس المشاعر تناثرت

من نظرته الحنونه انجذبت

كل آمالي فيه تعلقت

يوم بان حبي ما أخفيت

ووقت حبني بحبه على الناس تعاليت

كثير من كلامه تعلمت

عشت معه مواقف حلوه ومواقف منها بكيت

أربع سنين وهو مالك القلب والذات

أنا لجل حبي له بكل شيء ضحيت

قبل لا اعرفه ماعمري سهيت

ويوم تملكني حتى في ليلي للنوم معد فضيت

وبعد هذا كله صرت اسأل حالي يوم انه عني تخلى أنا في حقه وش سويت؟

أنهدم كل اللي بنيت

من زله صغيرة وأنا والله ما أخطيت

لو إني اعرف إن الحب كله عذاب كان له ما مشيت

بعد مادورت لك بدالي ما صدقت لقيت زله مني وعني تخليت

أنا لك والله وفيت وانت للأسف ماوفيت

إنا اعتر فلك إذا مادريت

أنا غيرك ماحبيت

أنت حبي الأول والأخير بس بحبي ماحسيت

لا عاد بفكر أحب بعدك إلا بفكر كيف أنساك

أنا مشيت بهذا الطريق سليم ورجعت منه جريح

أوعد قلبي وروحي معاد أعذبهم بالجراح

خلاص جاء الوقت اللي لازم من هذا الكلام روحي ترتاح...

وردة العشاقــ

أنا عمري ماشربت الوسكي ولا في حياتي صرت سكران

لكني من كاس حبك ارتويت وصرت دايمٍ عطشان

أنا حبيتك ولا فكرت كيف بيكون بدونك الزمان

اقضي يومي أسير ما غير أفكر بحبك واقضي ليلي طفشان

من يوم ماعيني فارقة عينك وأنا زهقان

مابقى معي غير ذكرياتك والأحزان

وصارت حياتي سيرة على كل للسان

وصرت في هالحياه مثل قصة بلا عنوان

تعال شوف حياة العاشق الولهان

وكيف من بُعادك عنه صارت كلها سادة بدون ألوان

أنا كنت الوردة وكنت لي البستان

أبقى داخلك وتروي عطش حبي متى ما كنت ضميان

تعال لملم أحلامي على حضنك بألقى الأمان

تعال قبل لاتزيد في قلبي النيران

خذ لك في قلبي قصر وفيه بتلقى الحنان

طلبتك لا تخليني مثل كوكب تاه بين الأكوان

لا تخليك ضعيف قدام الحب وتطلع في النهايه خسران

اثبت لي حبك وعيشني في جنان

ماكنت أبيك ترحل وانت علي زعلان

مابيدي شيء وأنا مثل أي إنسان

ماني معصوم من الخطى مهما كان

بس هذا أنا اطلب منك السموحه والغفران

اغفر لقلبٍ من بَعدك عاش في حرمان

ونوى قلبه على تركه و بيعيش في هجران

وردة العشاقــ

تخاوينا على درب الفجر أصحاب

وهوى صداقتنا يرد الروح

صرنا ثنائي وأحلى أحباب

بكلمة نشفي كل مجروح

مانرتاح لا شفنا احد قاعد لحاله بالاسياب

والحزن واليأس تارسن به روحه

الزعل ماله معنى بدون الأسباب

هذي هي صداقتنا واللي له نرتاح

الصراحه بعض الأصحاب ماتجي من صحبتهم غير الصعاب

لكن حنا بنينا صداقتنا على الحب والضحك والمزاح

وماهي من عادتنا إنا ننسى الأحباب والأصحاب

ونتشارك الحلوه والمره وحنا في قمة سعادتنا

واللي يبي يفرق بيننا بصوت واحد نقول هذا صعب

اللي بيننا ماهو يوم اوشهر اللي بيننا عشرة عمر..

وردة العشاقــ

*ليتني*

ما أفارق عيونك دقيقة

مثل ما أنت ساكن بوسط عيني

*ليتني*

قصة في كتاباتك مكتوبك

مثل ما أنت كل شيء في كتاباتي

*ليتني*

شيء تلمح طيوفة

مثل ماطيفك مايفارق خيالي

*ليتني*

ادخل بقلبك وأشوفه

هل أنا ساكنه فيه وإلا مالي في قلبك مكاني

*ليتني*

شيء مهم في حياتك

مثل ما أنت أهم شيء في حياتي..

وردة العشاقــ

من قال لك احبك

اعرفي انه كذاب

من قال لك مانساك

اعرفي انه نصاب

من قال أعشقك

اعرفي انه مافكر بالأسباب

عمر الحب ما أنزرع بالقلوب الشباب

كل حبهم غدر وخداع

وكلمة احبك عندهم مثل السلعه تنباع

يقولها لك مره ولغيرك مليون

ولا فكر إلا بكيف يقدر يخون

لاعندهم إحساس

ولا يعرفون الحب من الأساس...

وردة العشاقــ

عشقتك عشق وصلني للجنون

وجنوني ترى ماله حلول

تعلقت بقلبك ياحنون

وعن حنانك ماني مسؤول

أنت اللي خطفت عقلي وفكري وصرت بك مفتون

أنت الوحيد اللي هويته وما لقيت له مثيل

وحبك في قلبي مقيد بقيدٍ متين

وصورتك عن عيوني ماتزول

لوتبعد عني أيام وسنين

أنت معي وظلي الظليل

وانت لقلبي الشوق والحنين

وبعادك عني دمار وانين

وبنهي كلامي وبآخره أقول

احبك وبعادك على قلبي مايهون..

وردة العشاقــ

الخطى ماهو خطاك يوم عني تخليت

الخطى خطاي يوم عليك تغليت

بس انت للسالفة ما فهمت

يا كابتن هي كلمتك وأنا لها ابد ما نسيت

هو أسبوع اللي فيه عنك تأخرت

لا تحسب في هالمدة لبديل عنك دورت

انت اللي تربع في القلب وبناء له بيت

انت اللي لروحي تمنيت

أنا عطشانة وبحبك باقي ما رتويت

باقي بأحضانك ما رتميت

تكفى ارجع لي ولا تقول إني في حقك أخطيت

عمر الحب ما تهدمه اصغر الزلات

كفايه ليش بهذا الاسم لي ناديت؟..

كيفك! نادني باللي تبي ما هتميت

بس المهم ارجع وخل التغلي ترى على بعادك ما قويت

مدري ليش في حبك انبليت وانعميت

صرت اسأل حالي انت في حبك سحرتني وإلا وش سويت

يوم رحت عني صار قلبي مثل طير مكسور الجناح وانت فيه ما باليت

عايش حياتك سهر وفله وعني ابد ما سالت ولا فكرت

منك لله ياللي تحاول تدمي قلب حبك من زمان..

وردة العشاقــ

الحقوق محفوظه لـ وردة العشاق / وإمبراطورة العشاق